Kryeministri i Kosovës Ramush Haradinaj ka konfirmuar në një intervistë dhënë në “T7” se ka pasur njëfarë presioni nga të gjithë për heqjen ose pezullimin e taksës ndaj mallrave serbe.
Kryeministri i Republikës së Kosovës, Ramush Haradinaj, ka treguar se si presidenti Hashim Thaçi, dhe kryeministri i Shqipërisë, Edi Rama, i kanë bërë presion më shumë se Vuçiç në sy të të gjithëve në Berlin për ta hequr taksën.
Kryeminstri Haradinaj, ka thënë se dy liderat e Shqipërisë dhe Kosovës kanë pasur një qëndrim të përafërt, dhe kanë qënë pikërisht deklarimet dhe presionin e tyre që i ndryshuan mendimin.
“Edhe dje u përsërit ajo që më ka ndodhë edhe në të kaluarën. Isha krejtësisht i vetëm në një qëndrim. Edhe presidenti Thaçi, edhe Edi Rama më shumë bënin presion ata dy me e heq taksën, sesa shtetet tjera. Të gjithë instonin që me respektu qëndrimin e kancelares dhe Makronit, që ky është një shans i mirë për Kosovën e që nuk duhet me e humb. Një insistim direkt i pandalshëm. Në një gjuhë që ishte në anglisht, qe e merrnin vesh, edhe kancelarja edhe presdienti Makron”, ka thënë Haradinaj.
Ndërkohë theksohet se Merkel dhe Marcon i kanë kërkuar Kosovës pezullimin e taksës për 120 ditë dhe për këtë gjë tashmë dhe kryeministri i Kosovës është dakort. Mesa duket samiti i Berlinit funksionoi.
