Me datë 6 dhjetor, Samiti i BE-së mblodhi në Tiranë liderët më të rëndësishëm Europian.
Angazhimi për një mikëpritje sa më të mirë ishte maksimal, teksa një vëmendje e veçantë i është kushtuar edhe ushqimit që u është servirur liderëve europianë.
Ushqime me bazë mishi, produkte toke, por edhe ushqime të tjera me bazë peshku apo opsione vegjetariane dhe pa gluten nuk munguan në menunë e përgatitur për të gjithë liderët pjesëmarrës në Samitin e Bashkimit Europian dhe Ballkanit Perëndimor, që për herë të parë u organizua në Tiranë.
Shef Juli Zguro i mirëpriti liderët si Emmanuel Macron, Olaf Scholz apo Giorgia Meloni me një përzgjedhje me bukë thekre që shoqërohej me gjalpë dhie dhe kripë, si dhe tartarë viçi me tartuf të bardhë, shkruan “Euroneës”.
Ndërkohë që antipasta përfshinte sallatë me pastë fasuleje, e pasuruar me tahini, djathë të butë, panxhar dhe lajthi.
Si pjatë e parë ishin përzgjedhur jufkat tradicionale me mish viçi, ndërsa pjata kryesore ishte filetoja e viçit, shoqëruar me fli patatesh, salcë kallmet dhe pure me selino dhe tartuf. Ndërsa për ëmbëlsirë, ishe përgatitur një “parajsë vegane”, me krem çokollate, stika dhe sorbeto me mjedër.
Vlen të theksojmë se shumë figura të rëndësishme e konsideruan zhvillimin e samitit të Bashkimit Europian në vendin tonë si mundësi të rëndësishme për të promovuar Shqipërinë.
