Më 11 maj, qytetarët shqiptarë po ushtrojnë të drejtën e votës për të zgjedhur përbërjen e re të Parlamentit.
Mbi 3.7 milionë persona janë të regjistruar si votues në këto zgjedhje.
Sipas të dhënave të fundit nga Komisioni Qendror i Zgjedhjeve, deri në orën 10:00 pjesëmarrja në shkallë vendi është regjistruar në 13.15%.
Të dhënat janë përpunuar nga 1389 qendra votimi, nga gjithsej 5225 të hapura në gjithë territorin.
Nga një total prej 930,271 zgjedhës në këto qendra, kanë votuar 119,697 persona.
Krahasuar me zgjedhjet parlamentare të 25 prillit 2021, ku pjesëmarrja në të njëjtën orë ishte 16.66%, rezulton se interesi i votuesve këtë vit është më i ulët në orët e para të ditës.
