Një vendim drastik vjen nga Rusia në lidhje me raportin e tyre me SHBA-në.
Bëhet e ditur nga Ministria e Jashtme ruse se anëtarët e familjes presidenciale të SHBA-së, tashmë janë shpallur ‘non grata’ nga Kremlini. Ky vendim është marrë për shkak se familja Biden, sipas tyre mbështet “një linjë rusofobike”.
Tashmë një marrëdhënie e qetë midis Lindjes dhe Perëndimit duket shumë e largët, teksa kjo mund të konisderohet si reagimi i parë rus ndaj Samitit të G7 për Ukrainën, mbledhur në Elmau Gjermani.
Shtatë liderët evropianë nënshkruajnë premtimin e tyre “për të mbështetur çdo përpjekje në ndihmë të ukrainasve, për të ruajtur integritetin territorial dhe sovranitetin, duke qëndruar këmbëngulës ndaj sanksioneve të koordinuara dhe të paprecedentë në përgjigje të agresionit rus. Ne jemi të përkushtuar të rrisim presionin mbi regjimin e Presidenti Putin dhe bashkëpunëtorët e tij në Bjellorusi”, thuhet në komunikatën përfundimtare. Gjithashtu lista e “non gratave” përfshin Jill, Noemi dhe Joe Biden, së bashku me 23 persona të tjerë.
Vlen të theksohet se shqetësimi më i rëndësishëm mbetet çështja e furnizimit me lëndë të para si gazi rus. “Ne e dinim që nga fillimi i pushtimit rus në Ukrainë se një ndërprerje shumë serioze e gazit rus është e mundur”, tha Komisioneri Evropian për Energjinë, Kadri Simson, në fund të seancës.
