Rumania do të testojë për herë të parë një sistem që paralajmëron tërmetet 4-8 orë përpara se të ndodhin.
Kjo teknologji po zhvillohet nga një firmë izraelite dhe do të instalohet nga Universiteti i Bukureshtit në rajonin lindor Vrançea, i cili është një nga më sizmikët në Europë.
Drejtuesit e firmës shprehen, se sistemi ka dhënë përgjigje të sakta për 68 nga 75 raste tërmetesh, gjatë minitesteve.
Pas Rumanisë, ky sistem do të instalohet vitin e ardhshëm edhe në Kaliforni, një zonë shumë sizmike, që ndodhet në anën tjetër të globit.
Deri më tani teknologjika ka arritur ta parashikojë tërmetin 2-3 minuta përpara.
Nëse sistemi izraelit funksionon, do të ishte një hap gjigant,pasi për 4 orë banorët mund të evakuohen nga banesat.
