Duket se Shqipëria i ka ende dyert e hapura dhe mbështetjen e duhur për çeljen e negociatave. Kjo vjen e konfirmuar pas takimit që kanë pasur ditën e sotme Kreu i Grupit Parlamentar të PS, Taulant Balla dhe kryetari i Kuvendit, Gramoz Ruçi me Presidentin e Bundestagut, Wolfgang Schaule.
Gjatë vizitës në Berlin, Balla dhe Ruçi kanë pasur mundësinë që të takojnë edhe numrin një të Bundestagut, i cili e ka rikonfirmuar mbështetjen e tij për Shqipërinë.
“Bundestagu ndjek nga afër progresin e Shqipërisë për reformat, Shqipëria e vendosur për agjendën e reformave për integrimin. Reforma ne Drejtësi, lufta kundër krimit dhe korrupsionit, prioritetet tona”, është shprehur Ruçi gjatë takimit.
