Analisti politik Lorenc Vangjeli, i ftuar së fundmi në “Top Story”, foli për arrestimet e bëra nga SPAK deri më tani.
Ai u spreh se ende ‘rrjeta’ e SPAK-ut do të peshkojë njerëz të rëndësishëm të politikës dhe të fushës së medias. Sipas Vangjelit, janë disa ministra e ish-ministra që mund të arrestohen me urdhër të SPAK.
“Do të shikojmë politikanë të rëndësishëm që kanë shkëlqyer me ‘make up-in’ e tyre nën dritën e prozhektorëve, që do të shndërrohen në banditë të rëndomtë. Ministra dhe ish-ministra, deputetë. Do të ketë edhe njerëz të rëndësishëm të medias. Do të shikojmë edhe njerëz shumë të pasur, që do të përfundojnë po njëlloj. Nuk e di sa mund të sigurohet drejtësi, por që do të ketë ndëshkim, do të ketë”, tha ndër të tjera Lorenc Vangjeli.
