Greqia në ditët e fundit po përballet me një rritje të lartë të numrit të ët infektuarve nag COVID-19 dhe varianti i ri “Delta”, vetëm pak kohë pasi mori frymë nga masat shtrënguese. Vetëm gjatë ditës së djeshme në Greqi u regjistruan 2691 raste të reja me COVID-19 dhe duke marrë shkas nga këto shifra alarmante qeveria greke ka rikthyer masat kufizuese.
Mediat greke kanë raportuar se Mykonos, një prej ishujve më të bukur e të shtrenjtë do të izolohet në mes të sezonit turistik, pasi numri i të infektuarve po rritet çdo ditë. Urdhëri për masat e reja ka ardhur nga ministri i Mbrojtjes Civile dhe Menaxhimin e Krizave. Kështu duke filluar nga dita e sotme në Mykonos do të ndalohet qarkullimi nga ora 01:00 në mbrëmje -06:00 në mëngjes dhe do të ndalohet muzika. Nga sot e Shtuna 17/7 dhe për shkak të shpërthimit shqetësues lokal të epidemisë gjatë 24 orëve të fundit, me shpërthime dhe grupe të shumta, Qeveria vazhdon me miratimin dhe zbatimin e masave të veçanta për ishulli i Mykonos. Ndalimi i qarkullimit nga 01.00 në mbrëmje deri në 06.00 në mëngjes, me përjashtim të arsyeve të punës dhe arsyeve të rënda shëndetësore. Ndalimi i muzikës përgjatë njëzet e katër orëve, duke filluar nga sot në 18:00.
Masat janë të vlefshme deri të hënën 26/7 në 06:00 në mëngjes me një rivlerësim të ndërmjetëm të situatës epidemiologjike. Ne u bëjmë thirrje banorëve dhe vizitorëve të ishullit të zbatojnë masat, si dhe autoritetet e ishullit që të aktivizojnë menjëherë informacionin dhe mekanizmat e kontrollit për respektimin e tyre, në mënyrë që përhapja e virusit dhe Mykonos të mund të bëhet e kontrolluar dhe së shpejti situata të kthehet në normalitet.
