Rritet sërish numri i viktimave nga COVID-19 në Itali, por në mes të tragjedisë ka një lajm të mirë

Google+ Pinterest LinkedIn Tumblr +

Italia ditën e djeshme ka shënuar një ulje të ndjeshme të numrit të viktimave nga COVID-19, pasi u regjistruan 525 viktima, shifra më e ulët e dy javëve të fundit.

Por, sot kjo shifër është rritur sërish sepse gjatë 24 orëve të fundit kanë ndërruar jetë 636 persona duke e çuar numrin total të të vdekurve në 16,523, ndërsa numri i të prekurve brenda 24 orëve është 3,599 persona.

Mirëpo, ajo që po vihet re në Itali është se po vijon të ulet numri i të prekurve në 24 orë duke treguar se kurba tashmë është në rënie, pasi dje u shënuan 4, 316 raste të reja ose rreth 700 raste më shumë se sot.

Sakaq, tragjike janë edhe shifrat rreth viktimave të shkaktuara në radhët e bluzave të bardha, pasi sipas Federatës së Urdhrit të Mjekëve mësohet se ka shkuar në 87 numri i mjekëve të vdekur nga COVID-19 në Itali.

Së fundmi, mësohet se janë regjistruar edhe 7 vdekje të tjera, ndërsa 12,252 punonjës të shëndetësisë janë infektuar nga virusi.

Në rang global COVID-19 ka vrarë mbi 70 mijë persona dhe ka infektuar rreth 1.2 milionë të tjerë, teksa 269,494 të prekur kanë fituar betejën me COVID-19.

Shpërndaje
Share.

Komento