Ka shkuar në 9 numri i viktimave nga COVID-19 në Kosovë.
Gjatë mesnatës ka humbur jetën një 69-vjeçar nga Suhareka, i cili kishte probleme kardiake.
Në njoftimin e Klinikës Infektive në QKUK thuhet se aktualisht po marrin mjekim 39 pacientë, të cilët ndodhen në gjendje të qëndrueshme, ndërsa 12 të tjerë janë në terapi intensive.
“39 raste janë në gjendje stabile, 12 raste janë në trajtim me oksigjenoterapi dhe përkujdesje intensive. Në mjekimin intensiv të klinikës janë 3 pacientë në gjendje kritike, prej të cilëve njeri është në oksigjenoterapi dhe përkujdesje intensive si dhe dy pacientë janë në ventilim mekanik. Në Mjekimin Intensiv të Klinikës Infektive, mbrëmë pas mesnatës ka ndërruar jetë pacienti 69 vjeçar nga komuna e Sukarekës, i cili ishte pranuar me 10/04/2020 në gjendje të rëndë dhe kishte edhe probleme kardiake, thuhet në njoftimin e Kilinkës Infektive në QKUK.
Numri i të prekurve nga COVID-19 në Kosovë ka shkuar në 387, ku gjatë 24 orëve të fundit janë regjistruar 10 raste të reja, ndërsa betejën me sëmundjen e kanë fituar 66 persona.
Qeveria kosovare ka ndërmarrë disa masa shtrënguese, për të parandaluar përhapjen e COVID-19.
Kufizimet e qeverise:
Prej datës 15 prill ndalohet qarkullimi i personave fizik në komuna përveç rasteve në vijim:
Për personat mbi moshën 60 vjeçare lejohet qarkullimi për furnizim me mallra të domosdoshme dhe për të kryer nevojat financiare për 1 orë e gjysmë në ditë.
Gjatë qarkullimit për furnizim me mallra nuk lejohet shoqërim nga askush përveç personave me aftësi të kufizuara dhe personave nën moshën 16 vjeç.
Për shkak të rrezikshmërisë së lartë ndaj personave mbi 65 vjeç të mos dalin nga shtëpitë.
Shumica e qytetarëve do të kenë mundësi të dalin 1 herë në ditë për 1 orë e gjysmë.
Në rastet emergjente lejohet dalja.
Lejohet qarkullimi për personat fizik kur është e domosdoshme për tu kujdesur për një person të sëmurë.
Nga data 15 prill nga ora 6 ndalohet qarkullimi i veturave, përveç në disa raste.
Me leje të veçantë lejohet qarkullimi i mjeteve për stafin esencial.
Lejohet qarkullimi për të kryer nevojat e instituticoneve të parapara.
Lejohet qarkullimi i automjeteve për personat me aftësi të kufizuar.
Përveç në këto raste nuk lejohet më shumë se një 1 pasagjer në veturë.
Ndalohet dalja për arsye tjera përveç këtyre lartë.
Mosrepsektimi i vendimit dënohet me gjobë. Personat fizik dënohen me 1 mijë deri në 2 mijë euro gjobë.
Se kur do të jetë koha e tyre e daljes jashtë shtëpive do të përcaktohet në bazë të tre numrave të fundit të letërnjoftimeve.
