Nëntë pacientë të tjerë kanë fituar betejën me COVID-19, duke e çuar totalin në 85.
Lajmin e ka dhënë kryeministri Edi Rama me anë të një postimi në rrjetet sociale.
Bilanci zyrtar ndërkohë në vendin tonë është 289, nga të cilët 85 të shëruar dhe 16 viktima.
Në spitalin Infektiv ndodhen 81 persona, 8 prej të cilëve në terapi intensive, ku 4 janë intubuar.
Gjithashtu numri i fëmijëve të prekur ka shkuar në 8 dhe për fat të mirë gjendja e tyre është e stabilizuar.
Qyteti më i prekur nga COVID-19 është Tirana dhe ndjekin më pas Durrësi me 30 dhe Fieri me 23.
Gjatë mbrëmjes së djeshme është raportuar për 12 raste të tjera në Shkodër, të cilët kanë pasur kontakt me dy personat e konstatuar ditë e djeshme.
Konfirmimi pritet të bëhet gjatë përditësimit të të dhënave nga Ministria e Shëndetësisë.
