ISHP ka përditësuar të dhënat për situatën e COVID-19 në vendin tonë.
Brenda 24 orëve, kanë rezultuar pozitiv edhe 4 persona të tjerë, duke e çuar në 55 numrin.
Ekspertja e ISHP, Silva Bino, tha se Tirana ,mban numrin më të madh me 38 raste, e ndjekur më pas nga Fieri me 6, Durrësi me 5.
Në spitalin Infektiv ndodhen të shtruar 25 persona, tre prej tyre në terapi intensive.
Bino bën me dije se deri më tani janë testuar 605 persona.
Nga rastet e konfirmuara pozitivë:
Tiranë 38 raste
Durrës 5 raste (njëri prej të cilëve ka ndërruar jetë)
Lushnje 2 raste
Elbasan 2 raste
Fier 6 raste
Rrogozhinë 2 raste
Në mesin e të infektuarve janë edhe 8 mjekë e infermierë të spitalit “Shefqet Ndroqi”, që i shërbyen një pacienti me koronavirus, që tashm, ndodhet te Infektivi.
Ata janë vetëkarantinuar dhe ndodhen në gjendje të mirë shëndetësore.
Pas Infektivit, edhe Sanatoriumi do të kthehet në karantinë, për të lehtësuar fluksin.
Në rast të dyshimeve për koronavirus, Bino u bën thirrje qytetarëve që të telefonojnë 127 dhe mos t’i drejtohen spitalit menjëherë.
Për parandalimin e koronavirusit, qeveria ka ndërmarrë një sërë masash, si kufizimi i qarkullimit të mjeteve dhe lëvizjes së këmbësorëve.
Gjithashtu ushtria dhe policia ndodhen në terren prej ditësh, për të mbikëqyrur zbatimin e urdhërave për vetëkarantinim.
