Brenda 24 orëve të fundit në Krujë, janë konfirmuar 4 të prekur me koronavirus.
Ditën e djeshme në këtë qytet u konfirmua vetëm një rast. Me rastet e reja numri i të prekurve aktivë ka shkuar në 35.
Mësohet se rastet e reja janë të afërm me personat e mëparshëm të infektuar me koronavirus.
Mesa duket rastet me koronavirus në Krujë kanë filluar të shtohen dita-ditës.
Deri më tani në vendin tonë janë konfirmuar me koronavirus 969 persona, nga të cilët 31 kanë humbur jetën dhe 771 janë shëruar.
