Në Kosovë janë konfirmuar këtë të hënë 12 raste të reja me koronavirus, duke e çuar numrin e përgjithshëm të të infektuarve në 106.
Sipas Instituti Kombëtar i Shëndetësisë Publike të Kosovës, rastet pozitive janë raste kontakti, 5 prej të cilëve banojnë në Malishevë, 3 në Fushë Kosovë, 2 në Prishtinë, 1 në Mitrovicë dhe 1 në Kamenicë.
Sakaq, deri tani Kosova ruan një raport pozitiv sa i përket numrit të viktimave nga COVID-19, pasi që nga goditja nga virusi e deri tani është regjistruar vetëm një viktimë.
Më 13 mars Kosova u prek nga COVID-19, pasi u konfirmuan zyrtarisht dy të infektuar me koronavirus dhe tashmë janë 106 të infektuar të cilët ndodhen në Klinikën Infektive të Qendrës Klinike Universitare të Kosovës dhe gjendja e tyre shëndetësore është e qëndrueshme.
Qeveria e Kosovës ka marrë një sërë masash për parandalimin e përhapjes së koronavirusit, teksa janë ndaluar hyrje-daljet për të gjithë qytetarët në komunat e Klinës dhe Vitisë, ku u shënuan dy rastet e para.
Ndërkohë, është vendosur mbyllja e institucioneve arsimore deri më 27 mars, pezullimi i përkohshëm i linjave ajrore dhe tokësore dhe pezullimi i të gjitha aktivitetet publike.
Po ashtu është ndërprerë edhe transportit ndërurban dhe janë mbyllur kufijtë tokësor për të gjithë ata që hynë në Kosovë, ndërsa janë mbyllur të gjitha lokalet, baret e qendrat tregtare, ku përjashtim bëjnë vetëm dyqanet ushqimore dhe farmacitë.
Kurti ka pezulluar përkohësisht të gjitha linjat e udhëtimit në Aeroportin “Adem Jashari”, ku përjashtim bëjnë vetëm fluturimet ushtarake apo medicinale.
