Çmimi i “Mbretit” të tryezës për festat e fundvitit, pra i gjelit të detit ka pësuar një rritje të konsiderueshme. Nëse vjet 1 kg kushtonte 400 deri në 500 lekë, këtë vit çmimi varion nga 800, 900, por edhe deri në 1200 mijë lekë.
Ky çmim është më i larti në këto 10 vite të fundit, teksa tregtarët e justifikojnë rritjen e çmimit me faktin se është rritur çdo prodhim dhe për shkak të numrit më të pakët të shpendëve këtë fundvit, ka ardhur edhe ky çmim i papërballueshëm për konsumatorët të cilët duan ta kenë pjesë të tavolinës.
Ndërkohë në fshatin Imsht të Lushnjës, qindra shpendë kanë ngordhur. Në një prononcim për mediat, rritësit e tyre pohojnë se megjithëse i kanë mjekuar dhe janë kujdesur, medikamentet nuk kanë dhënë efekt. Tregtarët shtojnë se gjeli i detit mund të mungojë edhe në tavolinat e tyre , duke u kthyer nga rritës ne blerës.
Ndërkohë ata që konsiderohen si me fat, janë ata që arritën të shpëtojnë disa gjela deti, duke i shitur në Kosovë. Në kushtet e mungesës së gjelave të detit çmimet pësojnë rritje. Këtë vit, ata thonë se po i shesin nga 10 deri 12 mijë lekë të vjetra për kilogram, çmimi më i lartë i arritur ndonjëherë
