Ka shkuar në 8 numri i viktimave nga COVID-19 në vendin tonë.
Mëngjesin e sotëm në spitalin Infektiv, ka ndërruar jetë një 66-vjeçar nga Fieri.
Ai trajtohej prej dy ditësh te Infektivi, ndërsa mëngjesin e sotëm ka pësuar infarkt.
Pavarësisht ndërhyrjes së mjekëve, pacienti nuk mundi të mbijetojë.
Mësohet se 66-vjeçari vuante nga sëmundje kronike pulmonare, hipertensioni, hemorragjia gastro-intestinale.
Kjo është viktima e dytë nga COVID-19 brenda 24 orësh, pasi mbrëmjen e djeshme, ndërroi jetë një 85-vjeçare nga Tirana.
Ajo mbërriti pasditen e djeshme në spitalin Infektiv, ndërsa vuante edhe nga disa sëmundje kronike.
Numri i të prekurve nga COVID-19 në vendin tonë ka shkuar në 176, mes të cilëve 8 viktima dhe 17 të shëruar.
Në 24 orët e fundit janë kryer 103 testime ngatë cilët 28 rezultuan pozitiv, duke shënuar kështu rritjen më të madhe.
Në spitalin Infektiv janë shtruar 73 persona, 3 prej të cilëve në terapi intensive, ku dy janë intubuar.
Në mesin e të prekurve janë edhe 4 fëmijë, shëndeti i të cilëve është i normalizuar.
