Ditët e fundit moti u përkeqësua, duke shënuar kulmin më 5 shkurt, ku era e fortë dhe reshjet e dëborës shkaktuan shumë aksidente dhe anullimin e lundrimeve Durrës-Bari.
Fundjava do të sjellë një rritje të lehtë temperaturash dhe territori shqiptar do mbizotërohet në pjesën më të madhe të ditës nga kthjellimet.
Ndërsa, gjatë pasdites pritet të kemi shfaqje të vranësirave kalimtare në vend, që do jenë kryesisht më të dukshme në zonat malore.
Këtë fundjavë moti do jetë i qëndrueshëm, ndërsa pritet që nga e hëna të fillojnë reshjet e shiut që do na shoqërojnë përgjatë gjithë javës.
Temperaturat do vijojnë të rriten në mëngjes e mesditë, ku vlera minimale pritet të jetë -7°C në zonat malore dhe 12°C në zonat e ulëta.
Era do fryjë e lehtë në tokë dhe mesatare në det me shpejtësi 35 km/h nga drejtimi verilindor.
