Kryeministri i Kosovës, Albin Kurti ka dalë në një deklaratë për mediat pas mbarimit të takimit me kancelaren Merkel. Kurti përpara gazetarëve ka mohuar krisjen me kryeministrin Edi Rama. Ai ka thënë se ka zhvilluar vazhdimisht takime me të në Tiranë, Slloveni dhe Dhërmi. Ndër të tjera ai ka konfirmuar se me Ramën ka vetëm një kundërshtim, për nismën që ai mbështet “Open Ballkan”, ndërsa ka garantuar se për të tjerat bashkëpunon dhe komunikon vazhdimisht me kryeministrin Rama.
‘’Herën e fundit kur kemi biseduar ishte para dy javësh në Bled të Sllovenisë ku ishim bashkë. Jemi takuar edhe në Tiranë, Dhërmi. Vazhdimisht takohemi. Ajo që është e përbashkët midis neve, është shumë më e madhe. Nuk biem dakord për Ballkanin e Hapur, çfarë të bëjmë tani. Për gjëra të tjera jemi në komunikim dhe bashkëpunojmë.’’- tha Kurti.
Po ashtu kryeministri i Kosovës, Albin Kurti i është përgjigjur edhe kryeministrit Rama i cili tha se ata që janë kundër “Ballkanit të Hapur” besojnë te teoritë e konspiracionit. “Unë nuk e di për çfarë teorie konspiracioni flitet. A e keni pyetur për çfarë teorie konsipracioni flet?!”, tha Kurti.
Pjesë nga Biseda
Sulmi i Ramës, keni një koment? Kur qeveria do ta vendosë reciproritetin me Serbinë?
Kurti: Unë nuk e di për çfarë teorie konspiracioni flitet.
Gazetari i kthehet: S’ma dha radhën. Procesi i Berlinit është i nevojshëm por edhe i mjaftueshëm. Ballkani është së paku 12 shtete. Perëndimori ka Procesin e Berlinit. Inciativat e mira nuk besojmë që të jenë pa BE brenda. Dallimi mes tyre është që tek e dyta nuk e kemi Bashkimin Europian. Kosova është shtet i pavarur dhe të pozicionohemi për njohjen e saj nga Serbia. Dhe jo të shprehim mirëkuptim për mosnjohje.
Ndërkohë që më pas Kurti shtoi: Është detyrë e çdo shqiptari se ku duhet të jetë trysnia e ndërkombëtarëve. Mbi Serbinë dhe jo mbi Kosovë.
