Ditën e sotme rrëzohet kërkesa e Partisë Demokratike për investimet strategjike dhe zgjidhen emrat e dy anëtarëve të rinj të komisionit të konkurencës. Durim Kraja dhe Leda Mata janë dy anëtarët e rinj. Ata u votuan me shumicë votash nga anëtarët e Kuvendit të Shqipërisë. Kujtojmë se në fund të seancës plenare, kryetarja e Kuvendit, Lindita Nikolla bëri të ditur se projektrezoluta për ngritjen e komisionit hetimor për investimet strategjike të kërkuar nga PD nuk ka marrë votat e shumicës, ndaj nuk është miratuar.
‘Amandamenti i depozituar 24 orë para nisjes së seancës plenare nga kryetari i grupit parlamentar i PD për projektrezolutën për vlerësimin e veprimtarisë vjetore të administratës publike për vitin 2021. Kanë marrë pjesë në votim 109 deputetë. Amendament për shtim çështje pika 10, pro 37, kundër 70, abstenim 2.
Amendamentin për shtim cështje pika 11, pro 37, kundër 70, abstenim 2.
Amendamentin për shtim cështje pika 12, pro 38, kundër 69, abstenim 2.
Amendament për shtim çështje pika 13 Pro 37, kundër 70, abstenim 2.
Amendamentet nuk miratohen.
Projektrezolute për administratën publike të vitit 2021. Kanë marrë pjesë në votim 116 deputetë, votimi pro 69, kundër 46, abstenim 1. Miratohen.
Projektvendim të ngritjes së komisionit hetimor për investimet strategjike. Kanë marrë pjesë në votim 108 deputetë, pro 38, kundër 74, abstenim asnjë. Nuk miratohet.
Projektvendim për emërimin e një anëtari në komisionin e konkurencës. Kanë marrë pjesë në votim 105 deputetë. Durim Kraja ka marrë 105 vota, zgjidhet anëtar.
Projektvendim për emërimin e një anëtari në komisionin e konkurencës. Kanë marrë pjesë në votim 106 deputetë. Leda Mata ka marrë pro 105 vota, Ervin Myftarai 1 votë. Leda Mata zgjidhet anëtarë e komisionit të konkurencës. ‘- tha Nikolla.
