Kanë humbur jetën deri më tani pesë persona dhe kanë mbetur të plagosur 35 të tjerë kur një avion pasagjerësh i Air India Express doli nga pista dhe u nda në dy pjesë.
#AirIndia #Kerala #KeralaRains2020 #Accident pic.twitter.com/uZdN7PgBwy
— Meʁɐƨl Gqoi (@Gopi42113238) August 7, 2020
Ngjarja ka ndodhur në qytetin jugor të Calicut në Kerala,Indi këtë të Premte. Avioni Boeing-737 po fluturonte nga Dubai dhe kishte 191 pasagjerë dhe 6 anëtarë të ekuipazhit në bord, ndërkohë në bord ishin edhe 10 foshnje. Trupi i avionit u nda në dy pjesë dhe ra në një luginë 30 metra poshtë, thanë autoritetet.
“Sa i përket raporteve fillestare, operacionet e shpëtimit kanë filluar dhe pasagjerët janë dërguar në spital për kujdes mjekësor,” tha ministria e aviacionit civil . Ndëkohë mësohet se nuk kishte zjarr në bord dhe ishte një fluturim riatdhesimi i operuar nga qeveria për të sjellë indianët në shtëpi gjatë kufizimeve të udhëtimit ndërkombëtar për shkak të përhapjes së koronavirusit.
