Një avion ushtarak është rrëzuar në ishujt Filipine, ku të paktën 45 persona kanë humbur jetën dhe disa të tjerë kanë mbetur të plagosur. Mësohet se avioni mbante më shumë se 90 vetë, të cilit ishin kryesisht ushtarë, në momentin që shpërtheu në flakë në ishullin Jolo në Filipine. Gjithashtu sipas raportimit të BBC shumica e personave që kanë vdekur janë kryesisht personel ushtarak, ndërsa nga rrëzimi i avionit janë plagosur edhe dhjetëra njerëz dhe pesë vazhdojnë të jenë të zhdukur. Avioni ka shpërthyer në flakë në momentin që ka prekur tokën, duke dërguar një re të madhe tymi të zi në ajër. Sipas informacioneve zyrtare nga ushtria janë plagosur dhjetëra njerëz ndërkohë që 5 persona rezultojnë ende të zhdukur. Ndërsa një spital ushtarak aty pranë ka trajtuar të mbijetuarit e tragjedisë.
Në një deklaratë forcat ushtarake rajonale, kryesisht Task Forca e Përbashkët Sulu, tha se “një numër ushtarësh u panë duke kërcyer nga avioni përpara se të goditej në tokë, duke i shpëtuar shpërthimit të zjarrit.”
Gjithashtu zyrtarët raportojnë se nuk ka asnjë shenjë që tregojnë se aeroplani mund të jetë sulmuar, ata kanë njoftuar se hetimi do të nisi për të qartësuar rrethanat e ngjarjes, sapo të përfundojë operacioni i shpëtimit.
