Aykhan Bayramzada, një nga 29 të mbijetuarit e aksidentit të aeroplanit të Azerbajxhan Airlines në Kazakistan, ka dhënë një deklaratë për mediat vendase rreth ngjarjes tragjike që ndodhi më 25 dhjetor, ku humbën jetën 38 persona.
Ai tregoi se ishte hera e tij e parë që udhëtonte me avion dhe kujton se pilotët tentuan disa herë të zbrisnin, por pa sukses.
Bayramzada shtoi se ekuipazhi i informoi pasagjerët për një ulje emergjente. Sipas tij, megjithë kërkesën e pilotëve për ulje emergjente, avioni nuk mundi të zbresë në aeroportet ruse, dhe iu urdhërua të fluturojë mbi detin Kaspik, drejt Aktau.
Aeroportet në Makhachkala dhe Mineralnye refuzuan të pranojnë avionin, dhe sistemet elektronike ruse bllokuan komunikimin me kullat e kontrollit.
