Aeroplani ukrainas ‘Avioni Boeing 737’ u rrëzua në Iran disa orë pasi ky i fundit goditi me raketa bazat që strehojnë forcat e SHBA në Irak.
Raportohet se 176 njerëz kanë humbur jetën, nga ky rrëzim në shkaqe ende misterioze.
Së fundmi, mediat amerikane thonë se avioni është goditur gabimisht nga raketat e Iranit.
Sipas tyre, një satelit zbuloi “goditje” infra të kuqe të dy lëshimeve të raketave, të ndjekura më pas nga një shpërthim.
Ndërkohë, ‘Newsweek’ duke cituar Pentagonin, një zyrtar të lartë të inteligjencës amerikane, si dhe një zyrtar të inteligjencës irakene thotë se ata besojnë se avioni ukrainas u godit nga një raketë ‘Tor’, prodhim rus.
Nga ana tjetër, Donald Trump tha sot se “kam dyshimet e mia” mbi aeroplanin. “Dikush mund të ketë bërë një gabim.”
Vetë shteti ukrainas po shqyrton nëse një sulm raketash rrëzoi aeroplanin.
Mes tensioneve të rritura mes SHBA dhe Iranit, Teherani ka thënë se nuk do t’i dorëzojë kutitë e zeza të avionit.
