Teksa e premtja u shoqërua me reshje të shumta shiu dhe erë të fortë, Instituti i Gjeoshkencave bën me dije se në qarqet Shkodër, Kukës dhe Lezhë, mund të ketë vërshime të shpejta të lumenjve të vegjël malorë dhe rrëshqitje të dherave. Në zonat urbane të këtyre qarqeve priten përmbytje të lokalizuara, në varësii të rrjetit të kanalizimeve.
Njoftimi:
Sot pasdite priten reshje të dobëta deri lokalisht mesatare në të gjithë qarqet. Nesër priten reshje intensive deri lokalisht shumë intensive në qarqet Shkodër dhe Kukës, ndërsa në qarkun Lezhë priten reshje mesatare deri lokalisht intensive. Në qarqet e tjerë priten reshje të dobëta deri lokalisht mesatare.
Nesër temperaturat minimale dhe maksimale të ajrit pritet të arrijnë:
në bregdet: 16 / 21 °C
në vendet e ulëta: 12 / 19 °C
në vendet malore: 7 / 14 °C
Sot pasdite dhe nesër era pritet të fryjë e lehtë deri mesatare.
