Ditën e djeshme moti i keq shkakton tragjedi në Itali. Një numër njerëzish dyshohet se kane humbur jetën pasi një rrëshqitje e dheut e shkaktuar nga shirat e dendur rrëmbeu shtëpitë në ishullin Ischia, afër Napolit. Përroi i baltës dhe mbeturinave rrëzoi pemë, përfshiu ndërtesat dhe dërgoi makinat në det, ndërsa arriti në bregdet herët të shtunën.
Të paktën katër persona kanë humbur jetën si pasojë e motit të keq në Itali, mes të cilëve edhe një fëmijë. Përmbytjet , rrëshqitje të dherave kanë përfshirë Casamicciola në Ischia.
Ndërkohë mbi 150 persona janë evakuuar. Këshilli i Ministrave ka zhvilluar mbledhjen lidhur me situatën, ndërsa kanë shpallur gjendjen e jasshtëzakonshme në Palazzo Chigi.
. Dhjetëra shtëpi janë dëmtuar, me motin e keq që pengon ekipet e shpëtimit të bëjnë punën e tyre. “Ishte e tmerrshme”, thonë banorët.
Ndërsa ministri italian i Brendshëm, Matteo Piantedosi, konfirmoi për mediat se situata është shumë e ndërlikuar dhe se personat e zhdukur dyshohet se janë bllokuar nën baltë.
Vetëm në gjashtë orë ka rënë 155 milimetra shi, ndërsa autoritetet kanë paralajmëruar që moti i keq do të vijojë deri të hënën.
Shërbimi zjarrfikës njoftoi se në pjesët më malore të ishullit ekipet e shpëtimit kishin hyrë më këmbë, ndërsa vazhdonte rreziku i rrëshqitjeve të reja të tokës.
