Ukraina ka kaluar tashmë 2 muaj luftë, mes tmerreve, bombardimeve dhe vrasjeve makabre.
Ndërkohë presidenti ukrainas Zelensky ka bërë një rrëfim ndryshe për luftën, duke treguar të pathëna rreth saj.
Zelensky ka treguar gjatë një interviste për median “Time”, se koha e tij në krye të Ukrainës mund të kishte përfunduar pak orë pas pushtimit. Ai ka thënë se trupat ruse ishin shumë afër ta gjenin atë dhe familjen, teksa po tentonin të merrnin kontrollin e pallatit presidencial. Për herë të parë ai ka zbuluar se forcat ruse ishin shumë afër kapjes dhe vrasjes së tij në orët e para të pushtimit.
Gjjithashtu ai tregon se në momentin që filluan bombardimet, ai dhe gruaja Olena shkuan për t’i thënë vajzës 17-vjeçe dhe djalit 9, që të bëhen gati të largohen nga shtëpia.
“I kemi zgjuar. Ka qenë me shumë zhurmë. Ka pasur shpërthime”, shtoi presidenti ukrainas.
Ushtria ukrainase i kishte thënë se ekipet e parashutistëve rusë kanë rënë në Kiev, për ta vrarë apo zënë rob atë dhe familjen e tij.
“Një natë më parë, gjëra të tilla kemi parë vetëm në filma”, tha për Time, Andrij Jermak, shef i kabinetit të Zelenskyt.
Të shtënat filluan rreth ndërtesës së qeverisë pasi u errësua në ditën e parë të luftës.
“Rojtarët fikën dritat, sollën jelekët antiplumb dhe pushkët për Zelenskyn dhe dhjetëra ndihmës të tij”, kujton momentin
E një prej zyrtarëve të paktë që ka ditur të përdorë armën ishte Oleksiy Arestovych, veteran i kundërzbulimit ushtarak të Ukrainës.
“Ka qenë çmenduri fare”, tha Arestovych për Time.
Trupat ruse tentuan dy herë të futen në kompleks derisa familja e Zelensky ishte brenda.
Të nesërmen, pasi refuzoi ofertat përfshirë evakuimin e tij nga forcat amerikane dhe ato britanike që i mundësuan formimin e qeverisë në ekzil, Zelensky doli në oborr për të filmuar videon tashmë të njohur me telefonin e tij të mençur.
Në atë moment Zelensky tha se tek tani është i vetëdijshëm plotësisht për rolin e tij në luftë.
“E kuptoni se ata ju shikojnë. Ju jeni simbol. Duhet të silleni ashtu siç sillet një lider i një shteti”, shtoi ai.
