Rritja e lartë e numrit të të prekurve me COVID-19 në Shqipëri duket se nuk i ka stepur fare pushuesit kosovarë që këtë fundjavë t’i drejtohen bregdetit shqiptar.
Ditën e sotme në doganën e Morinës është regjistruar numri më i lartë që nga viti i kaluar i makinave që vijnë nga Kosova drejt Shqipërisë, duke dhënë një dritë jeshile se këtë verë turistët në vendin tonë nuk do të mungojnë, pavarësisht situatës së vështirë që çdo vend, përfshirë edhe Shqipërinë po kalon nga koronavirusi. Pjesa më e madhe e tyre kalojnë fundjavën në Durrës, Shëngjin e Velipojë,destinacionet më të preferuara të pushuesve kosovarë.
Policia kufitare punoi me procedure te përshpejtuar për te shmangur radhët e gjata. Janë pesë sportele në hyrje dhe pesë sportele në dalje që punojnë në këtë fundjavë, por nuk i ka shmangur trafikun e rënduar.
Gjithashtu një fluks i lartë automjetesh është vënë re përgjatë autostradës Milot-Lezhë dhe në drejtim të rrugës së zonës turistike të Shëngjinit. Automjetet janë kryesisht me targa të Kosovës të cilët i drejtohen bregdetit, duke krijuar trafik të rënduar.
