Spektakël me plot 6 gola në Mynih! Gjermania arriti të triumfonte kundër Portugalisë me rezultatin e thellë 2-4, në një sfidë që i pati të gjitha.
Luzitanët kaluan të parët në avantazh me anë të Kristiano Ronaldos, në minutën e 15-të, ndërkohë që dy autogolat e Diaz dhe Guerreros, në minutat 35 dhe 39-të, përmbysën sfidën në 45 minutat e para.
Në fragmentin e dytë të lojës, gjermanët ishin dominues absolutë, teksa arritën të çonin shifrat në 1-4 falë golave të Haverc dhe Gosens. Luzitanët nuk u dorëzuan pavarësisht këtij disavantazhi, teksa ngushtuan diferencën me Zhotën në të 67-tën, por vetëm kaq, pasi në fund ishin “Panzerat” ata që u larguan nga fusha me 3 pikë.
Deri më tani, janë luajtur dy nga tri sfidat e programuara per ditën e sotme. Hungaria dhe Franca janë ndarë në barazim, me rezultatin 1-1. Ndërsa Gjermania, mori tri pikët e para pas fitores 2-4 kundër Portugalisë.
Ndërsa në orën 21:00, do të luhet sfida e fundit për ditën e sotme, ajo mes Spanjës dhe Polonisë, ku do të zbresin në fushë shumë yje. Fitorja e Gjermanisë kundër Portugalisë ka komplikuar shumë grupin F. Franca udhëheq me 4 pikë, ndërsa Gjermania dhe Portugalia me nga 3 pikë. Hungaria numëron vetëm 1 pikë pas dy sfidave.
FT: PORTUGALI-GJERMANI 2-4
Ronaldo 15′ , Jota 67′ / Dias 35′ (autogol), Guerrero 39′ (autogol) , Havertz 50′, Gosens 60′
