Cristiano Ronaldo, ylli portugez i futbollit, është duke shqyrtuar mundësinë për t’u bërë pronar i përbashkët i Valencia CF, një nga klubet më të njohura të Spanjës.
Sulmuesi 40-vjeçar, që aktualisht luan për Al-Nassr, mund të bashkëpronar me klubin Princin Mohammed bin Salman të Arabisë Saudite.
Valencia, kampione e Spanjës 6 herë dhe fituese e Kupës së Mbretit 8 herë, gjithashtu ka arritur dy herë në finalen e Ligës së Kampionëve, por tani është në një periudhë të vështirë.
Interesi i Ronaldos për të investuar në një klub futbolli ka ardhur pas dëshirës së tij të shprehur për të pasur një klub të tijin pas përfundimit të karrierës si futbollist.
Raportet nga TCR dhe burime të tjera si Sports.kz, konfirmojnë se Ronaldo po shqyrton mundësinë e bashkëpunimit me Princin Mohammed bin Salman për këtë projekt.
Princi i Kurorës, i njohur për fuqinë e tij financiare, mund të mbajë përgjegjësinë financiare të marrëveshjes, duke i hapur Ronaldos mundësinë të shtrihet edhe në biznesin e futbollit, përtej karrierës së tij aktive.
Aktualisht, klubi është në pronësi të biznesmenit singaporian Peter Lim, i cili e bleu klubin në vitin 2014. Megjithatë, performanca e dobët e skuadrës gjatë viteve të fundit ka shkaktuar zhgënjim mes tifozëve dhe ka nxitur diskutime mbi mundësinë e ndryshimit të pronësisë.
