Kalem Nevati, roja i kompleksit në pronësi të ndërtuesit të vrarë sot në Himarë, Niko Goro, është rrëfyer sot për ngjarjen e ndodhur.
Ai shprehet se i ka parë shumë herë autorin Kliti Leka, dhe të ndjerin Niko Goro, duke parë të bisedojnë e debatojnë për çështje dokumentesh.
Por, Nevati shprehet se nuk i ka parë ndonjëherë të debatonin të acaruar.
“Unë i kam parë duke biseduar me njëri-tjetrin, por jo në mënyrë të acaruar. Ata kanë biseduar nga hyrja e pallatit, punë dokumentesh, ka një muaj ajo punë, e njoh, kam 7 vite që kur kam ardhur nga Pogradeci. Unë isha tek puna po e prisja që të vinte në 8 pa çerek. Dola në rrugë e mora vesh edhe shkova tek spitali. Jam shumë i tronditur se nuk qe ashtu njeriu,”– tha Kalem Nevati.
Biznesmeni u ekzekutua mëngjesin e sotëm, në vendin e quajtur rrethrrotullimi, që të çon në lagjen Spille në Himarë nga Kliti Leka.
Pista e parë për të cilën po heton policia është një konflikt pronësie, për komplesin që po ndërtonte Goro, gjë të cilën e ka pranuar edhe vetë autori. Ndërsa pista e dytë është një sherr mes 53-vjeçarit dhe viktimës për një borxh prej 70 mijë eurosh.
/GazetaReforma.com/
