Në Shëngjin dhe Gjadër, po realizohet një rimodulim” i forcave të policisë që operojnë në ambientet ku janë të pranishëm emigrantët.
Nga 220 njësi të pranishme aktualisht, numri do të ulet në 170, që është i mjaftueshëm për të menaxhuar turnet dhe shërbimet e nevojshme
Ky “rimodulim” vjen pas vështirësive që po has qeveria italiane për të arritur një marrëveshje me Shqipërinë për dërgimin e emigrantëve në qendrat e pritjes dhe më pas në izolimin në Shëngjin dhe Gjadër.
Dy grupet e parë të emigrantëve, të dërguar në muajt tetor dhe nëntor, u kthyen pas vendimeve të gjykatës italiane dhe problemeve me paditë që janë hapur në gjykatat europiane.
Kryeministrja italiane Giorgia Meloni ka shprehur vendosmërinë për të realizuar paktin me qeverinë shqiptare të Edi Ramës, megjithatë procedurat janë përballur me kundërshtime ligjore.
Sipas “La Repubblica”, qeveria Meloni konsideron se përplasja me drejtësinë, veçanërisht në lidhje me listën e vendeve të sigurta, mund të çojë në një përplasje midis Romës dhe Brukselit.
Reagimi i parë i qeverisë italiane ka qenë i shpejtë, pas rastit të fundit të emigrantëve që u dërguan në Shqipëri dhe, pas një vendimi të Gjykatës, u kthyen në Itali.
“Prandaj do të shkojmë deri në fund dhe kemi besim se përpara Gjykatës së Drejtësisë Evropiane do të njihet arsyeja dhe interpretimi i qeverisë italiane.”
Zyrtarët italianë besojnë se gjykatësit kanë gabuar dhe janë të bindur se Gjykata e Drejtësisë Evropiane do të njohë interpretimin e qeverisë italiane.
