Shoqata e inxhinierëve në një deklaratë të pak minutave më parë, propozoi tre pika për rindërtimin e banesave të shkatërruara nga tërmeti.
Në radhë të parë shoqata kërkoi takim urgjent me përfaqësues nga të gjithë fushat, që të diskutohen idetë.
Takimi është planifikuar të zhvillohet nesër në orën 16:00 tek Hotel Tirana.
Çdo specialist do të ketë kohën e nevojshme, për të paraqitur planin e tij për mbrojtjen nga tërmetet.
Propozimi i dytë lidhet me ngritjen e një grupi pune, për të analizuar faktorët që ndikuan në qëndrueshmërinë e banesave gjatë tërmetit.
Gjithashtu u kërkua që grupi i punës në terren, të pajiset me pajisje laboratorike.
Së treti Shoqata e Inxhinierëve, kërkoi që të krijohet sa më parë Urdhëri i Inxhinierëve.
