Më herët ditën e sotme u raportua për një plagosje me armë zjarri të ndodhur në Selenicë në Vlorë, ku ka mbetur i lënduar Jetnor Xhaferraj.
50-vjeçari është plagosur në parakrah dhe autori është larguar nga vendi i ngjarjes me shpejtësi, teksa mësohet se autori ka qenë i maskuar dhe menjëherë pasi ka shtënë mbi Xhaferrajn është larguar me një makinë me xhama të zeza.
Jetnor Xhaferraj, që ka mbetur i plagosur është i njohur për Policinë e Shtetit si një person me precedent të mëparshme penale dhe po ashtu rezulton që të jetë një nga anëtarët e fisit që kanë një histori të gjatë hakmarrjeje me Llanajt.
Sipas Dosja.al, hetimet janë drejtuar pikërisht në këtë pistë për të zbuluar të maskuarin me kapuç, që u afrua mesditën e sotmë oranë banesës së Xhaferrit dhe e qëlloi më armë zjarri.
Dyshohet se personi në fjalë të jetë pikërisht i dërguari i fisit Llanaj, për të vijuar me sagën e hakmarrjeve mes dy fiseve Xhaferri dhe Llanaj, që e kanë fillesën në vitin 1998.
E gjitha filloi në vitin 1998, në Selenicë, kur u vra Gjysh Xhaferri dhe ai që u akuzua për vrasjen e tij ishte Baftjar Llanaj, pjesë e fisit rival, i cili u ekzekutua në vitin 2011.
Aso kohe u arrestua Sako Xhaferri, djali i Gjysh Xhaferrit dhe në shtator të po atij viti, Altin Aliaj, nip i familjes Llanaj, tentoi të vriste me armë Nihat Xhaferrin, djalin e Gjysh Xhaferrit.
Më pas në fillim të 2012 është ekzekutuar me armë Nure Xhaferri, 52 vjeç, djali tjetër i Gjysh Xhaferrit, ndërsa në 1 tetor 2017 u tentua të vritet Ferdinand Llanaj, djali i të ndjerit Baftjar Llanaj.
