Në Itali janë rikthyer sërish shifrat e frikshme të humbejs së jetëve nga koronavirusi siç ishin në fillim të pandemisë.
Vetëm gjatë një dite janë shënuar 15 204 raste të reja sipas të dhënave të ministrisë së shëndetësisë. Në 24 orët e fundit është kryer një rekord prej 293.770 tamponësh dhe rrjedhimisht edhe numri i rasteve pozitive ka rezultuar më i lartë.
Personat që kanë humbur jetën janë 467 duke pësuar një ulje të lehtë në krahasim me ditën e djeshme.
Në Itali janë ende 477 969 raste aktive me COVID-19, ndërsa numri total i të shëruarve shkon në mbi 1 milionë e 900 mijë. Numri total i vdekjeve në Iatli që nga fillimi i Pandemisë është thuajse 87 mijë.
Italia ka nisur procesin e vaksinimit dhe është bërë vendi me numrin më të lartë të dozave të para të injektuara në Bashkimin Europian. Kompania Pfizer dhe BionTech ka dorëzuar 900 mijë dozat e para ne Iatli nga të cilat janë injektuar më shumë se gjysma.
Italia është nga vendet më të prekura në Europë nga pandemia teksa renditet në vendin e tetë për numrin total të rasteve pozitive. Vështirësitë në përballimin e pandemisë kanë qenë të shumta, që nga mungesa e pajisjeve mbrojtëse e deri te mungesa e shtretërve në spitale.
