25-vjeçari i cili u gjet i pajetë mëngjesin e sotmë në fshatin Babicë të Vlorës, ka marrë plumb në kokë. Dyshohet se kanë qënë disa persona ata që e kanë ekzekutuar të riun me disa plumba. Ai u gjet në mjetin ‘Fiat Punto’ në cep të rrugës. I riu ndodhej në mjet që në orët e para të mëngjesit. Ai u gjet nga qytetarët të cilët po lëviznin në zonë. Kur zbuluan se i riu ishte i gjakosur njoftuan menjëherë policinë. Ende identiteti i tij nuk është bërë i ditur nga policia.
Trupi i pajetë i të riu u gjetur pa shenja jete brenda makinës së tij në aksin rrugor Vlorë-Babicë. Ngjarja dyshohet se ka ndodhur në orët e para të mëngjesit. Ndërkohë unifomrat blu të qytetit bregdetarë janë njoftuar rreth orës 07:35.
Trupi i pajetë i të riut rreth 25 vjeç është dërguar në morgun e qytetit, ku do t’i nënshtrohet ekspertizave të thelluara, për të zbuluar shkakun e vërtet të vdekjes. Sipas rezultateve paraprake përveç plagëve me armë zjarri nuk janë konstatuar shenjta të tjera dhune apo të jenë konstatuar henatoma. Po ashtu pranë morgut në Spitalin Rajonal të Vlorës ende nuk kanë mbërritur familjarët të të riut, ndaj kjo e ka bërë më të vështirë identifikimin e të riut.
Kanë qënë kalimtarë të rastit ata që kanë pikasur të riun brenda makinës, aty ku mendohet se ka qëndruar prej orësh i pajetë.
Efektivët e Vlorës po kqyrin autmojetin ku u gjet trupi i pajetë i të riut në mënyrë që të mbledhin sa më shumë prova në vendin e ngjarjes.
