Duket se rikthimi në jetën normale pas karantinës është shoqëruar me ngjarje të rënda, duke sjellë në 48 orët e fundit një panoramë aspak të këndshme.
Së fundmi, raportohet se një aksident me pasojë vdekjen ka ndodhur në Grabian të Lushnjës, ku një person ka humbur jetën pasi është përplasur nga një mjet bujqësor.
Policia njofton se shtetasi me inicialet K.Q, 63 vjeç, banues në fshatin Kashtëbardhë, duke udhëtuar me motomjetin e tij është përplasur nga një motorkorrëse, e cila drejtohej nga shtetasi B.Z., 61 vjeç, banues në Grabian.
Sakaq, autori i ngjarjes është shoqëruar në Komisariatin e Policisë, ku po kryhen veprimet proceduriale, teksa grupi hetimor po punon për zbardhjen e plotë të ngjarjes.
Kujtojmë se kufizimi i lëvizjeve të këmbësorëve dhe automjetve pas goditjes së vendit nga pandemia, ka shënuar një rënie të aksidenteve.
INSTAT raportoi se në muajin mars numërohen 65 aksidente rrugore nga 127 aksidente të ndodhura në muajin mars të një viti me parë, duke u ulur me 48,8 %, krahasuar me të njëjtën periudhë të një viti më parë.
LEXO: Kufizimi i qarkullimit nga Covid-19 përgjysmoi aksidentet gjatë muajit mars
Më herët pasditen e sotme në Shkodër u raportua një plagosje me armë, ku mbeti i plagosur një 50-vjeçar, teksa dje u vranë 4 persona.
LEXO: Plagosja me armë në Shkodër: Polica shoqëron autorin e dyshuar
