Ditën e sotme më datë 09.09.2020 është botuar në Fletoren Zyrtare vendimi i fundit i Këshillit të Ministrave, në lidhje me lojërat e fatit.
Në vendim thuhet se do të lejohet zhvillimi i lojërave të fatit të kategorisë kazino.Dhe në hartë paraqiten edhe zonat se ku do të lejohet zhvillimi i këtij aktiviteti kazino.
Rrugët ku do të lejohet rikthimi i biznesit të bixhozit janë:
“Rruga: “Barrikadave”; Rruga: “Urani Pano”; Rruga: “Dedë Gjon Luli”; Rruga: “IbrahimRrugova”; Bulevardi: “Zhan D’Ark”, Rruga: “Xhorxh W. Bush”.
Ndërkohë kujtojmë se më parë vetë kryeministri Edi Rama u zotua se do do të lejonte hapjen e kazinove sipas standarteve perëndimore vetëm në resorte me pesë yje dhe larg qendrave të banuara.
Sipas ligjit “Për lojërat e fatit” licenca e një kazinoje kushton 1 miliardë lekë për vetëm një sallë lojë dhe kjo shumë duhet të shlyhet në mënyrë të barabartë çdo vit përgjatë gjithë periudhës së licencës(10 vjet çka do të thotë 100 milionë lekë çdo vit). Subjektet duhet që të kenë një kapital 1.2 miliardë lekë.
Gjithashtu për t’u licencuar në kategorinë kazino subjektet duhet që të plotësojnë një listë të gjatë dokumentesh: të tregojnë burimin e të ardhurave, të kenë në objekt të aktivitetit të tyre lojërat e fatit, të jenë transparentë në rastin e aksionareve kur janë më shumë se një dhe në rast të transferimit të licencës duhet të njoftojnë autoritetin kontraktor.
