Tea Trifoni dhe Beart Rexhepi për një kohë të shkurtër u kthyen në çiftin më të përfolur të mediave rozë për mënyrën dhe rrethanat e krijimit të lidhjes së tyre.
Ata u lidhën pas njohjes dhe zhvillimit të disa takimeve në “Për’puthen” por vendosën ta mbanin të fshehtë.
Gjatë së njejtës kohë, Tea dhe Andi dilnin në takime, u deklaruan për njeri-tjetrin, si dhe dolën si një çift në njohje e sipër nga emisioni.
Ndërkohë, lidhja e saj me Beartin u zbulua nga fotot e tyre në “Instagram”, edhe pse dyshja u nda disa javë pas bërjes publike të dashurisë që ata kishin.
Së fundmi, ish-konkurrentja e “Për’puthen” dhe moderatorja e “Goca dhe Gra”, ka publikuar një video në llogarinë e saj, në të cilën ka përmbledhur të gjitha kujtimet e vitit që lamë pas.
Ajo çfarë tërhoqi vëmendjen e të gjithëve, ka qenë pikërisht përfshirja në postim e videos shumë të përfolur. Bëhet fjalë pikërisht për momentin në mes të borës, që i bëri të gjithë ndjekësit të kuptonin lidhjen e saj me Beartin.
Ky detaj ka habitur të gjithë dhe komente të shumta kanë aluduar për një rikthim mes çiftit duke i drejtuar vazhdimisht pyetje lidhur me një ribashkim, ndërkohë që Tea ende nuk ka reaguar.
