Ambasada franceze në Shqipëri ka publikuar datën dhe oraret e fluturimeve nga Franca në Shqipëri dhe anasjelltas, në kushtet kur ende qëndrojnë në fuqi rregullat e ndalimit të fluturimeve normale si pasojë e pandemisë.
Ambasada thekson se “për të gjithë të interesuarit, fluturimi i radhës mes Francës dhe Shqipërisë është parashikuar të kryhet në datën 5 qershor 2020, nga aeroporti Paris Charles de Gaulle”.
Oraret e fluturimeve të riatdhesimeve më 5 qershor janë Tiranë- Paris ora 12:00- 14:45 dhe Paris – Tiranë ora 15:45-18:15.
Kujtojmë se operacionet e para të riatdhesimit në vendin tonë kanë nisur në fund të marsit me Greqinë dhe Italinë, për t’u zgjeruar pastaj në vende të tjera ku ka pasur më shumë shqiptarë të bllokuar.
Nëse fillimisht të riatdhesuarit duhet të karantinoheshin në hotel, me vendimet e fundit të qeverisë, duke filluar nga 4 maji ata janë karantinuar në shtëpitë e tyre për 14 ditë.
