Kombëtarja shqiptare ka fituar me rezultatin 2-0 në transfertën përballë San Marinos. Dy golat u shënuan nga Rei Manaj dhe Myrto Uzuni. Manaj arriti të kthente në gol një kros me kokë të Uzunit në minutën e 63-të të takimit. Ndërkohë në minutën e 82-të Elseid Hysaj ishte i pafat teksa goditi shtyllën pungule. Goli I dytë erdhi në minutën e 85-të me anë të një devijimi të Uzunit. Kjo është fitorja e dytë për Shqipërinë në ndeshjet kualifikuese për Botërorin Katar 2022. Tashmë ekipi ynë renditet në vendijn e tretë në Grupin I pas 3 pikëve të fundit. Në ndeshjet e tjera të grupit, Anglia fitoi ndaj Polonisë me rezultatin 2-0, ndërsa Hungaria mposht Andorrën 1-4. Në krye të grupit me 9 pikë janë “tre luanët”.
Ndërkohë, e pafat ka qenë Kosova që ka pësuar humbjen e dytë radhazi në eleminatoret e Botërorit Katar 2022. Dardanët u mundën nga Spanja me rezultatin 3-1. “Furia Roja” dominoi gjatë gjithë ndeshjes, duke mos i lënë mundësi të nesuarve të Challandes të shënonin veç një goli. Për spanjollët shënoi i pari, Olmos në minutën e 34-të, ndërsa vetëm dy minuta më vonë Torres dyfishoi rezultatin. Për Kosovën goli i vetëm u shënua nga Halimi, ndërsa Spanja shënoi edhe golin e sigurisë me anë të Morenos.
