Dëbora e rënë mbrëmjen e kaluar në pjesën më të madhe të vendit, duke përfshirë edhe zonat e ulëta ka shkaktuar vështirësi jo vetëm në qarkullim, por edhe në pengimin e aktiviteteve të përditshme.
Dëbora ka mbuluar Gjirokastrën, Korçën, Elbasanin, Dibrën, Shkodrën si dhe qytete të tjera të vendit. Në Gjirokastër, Pukë dhe Fushë Arrëz është pezulluar mësimi për ditën e sotme në të gjitha shkollat.
Edhe në Shkoder dhe Lezhë është pezulluar mësimi në disa shkolla si pasojë e reshjeve të borës dhe vështirësimit në qarkullim.
Sakaq, e njëjta situatë paraqitet edhe në Korçë. Shkollat vijojnë me orë të reduktuara, ndërkohë që sot mësimi ka nisur në orën 9, situatë që parashikohet të vijohet deri në fundjavë. Ndërsa shkolla e Sheqerasit apo Ormanit, mësimi është pezulluar për shkak të motit dhe reshjeve të dendura të borës.
