Dita e Verës ka ardhur me reshje shiu në të gjithë territorin e vendit.
Meteorologia Adiola Bani tregoi çfarë pritet sot nga moti dhe gjatë ditëve të fundjavës.
Sipas saj sot do të ketë reshje jo intensive, por me pauza pothuajse në të gjithë vendin.
Ndërkohë nga nesër në mesditë do të ketë rritje të temperaturave dhe fundjava do të jetë e ngrohtë.
“Vranësira do të ketë në pjesën më të madhe të territorit. I gjithë territori shqiptar do përfshihet nga reshjet e shiut. Reshjet do jenë më pauza gjatë gjithë ditës. Nuk do jenë intensive. Jugu dhe Juglindja do mbeten me reshje deri në orët e mbrëmjes. Dita e nesërme paraqitet me mot të kthjellët dhe duke nisur nga nesër në mesditë do të ketë rritje të temperaturave. Fundjava pritet të arrijë deri në 21-22 gradë celsius”- tha Bani për “News 24”.
