Një grup i forcave RENEA janë stacionuar në Surrel tek shtëpia e kryeministrit Edi Rama, teksa grupe të tjera po bëhen gati të zbresin në terren, raporton FaxWeb.
Po ashtu, edhe godina e Kryeministrisë është rrethuar prej orësh nga forca të Gardës së Republikës dhe efektivë të Policisë, teksa pas rreth 30 minutash nis tubimi mbarëkombëtar i thirrur nga Aleanca për Mbrojtjen e Teatrit dhe e mbështetur nga të gjitha partitë opozitare.
Deri tani mbeten të paqarta arsyet e zbarkimit të RENEA-s në shtëpinë e kryeministrit Rama.
Kujtojmë se opozita ka zhvilluar mbrëmjen e kaluar takime në kryesitë përkatëse, ku edhe janë caktuar punët për të mobilizuar sa më shumë qytetarë në tubim.
Si Basha, edhe Kryemadhi kanë deklaruar se pjesëmarrja do të jetë masive dhe do të nisë në sheshin para Ministrisë së Brendshme, ndërsa theksojmë se janë ende në fuqi masat e ndërmarra për shkak të pandemisë dhe në kuadër të gjendjes së jashtëzakonshme.
