Pas ngjarjes së rëndë ku Sokol Mjacaj ka vrarë me armë Arben Lleshin, dhe plagosi Indrit Shaqen, në burgun e Peqinit kanë zbarkuar forcat RENEA për t’iu ardhur në ndihmë policisë së burgut.
Sokol Mjacaj dhe 2 personat e tjerë janë të dënuar me burgim të përjetshëm. Vlen të theksohet se Sokoli do të transferohej në regjimin ’41 biz’ si një person me rrezikshmëri të lartë. Pasi qëlloi me armë duke vrarë një person dhe duke plagosur një tjetër Mjacaj nën kërcënimin e armës ka tentuar të bëjë pengmarrje, por nuk ia ka dalë dhe pas rreth një ore, ai ka vendosur të vetëdorëzohet. Nuk dihet ende saktësisht si ka arritur të futet në burg arma e krimit, por dyshohet se është futur përmes një droni.
