Zjarret kanë përfshirë edhe Greqinë, situata atje vazhdon të jetë kritike. Ditën e sotme kanë shpërthyer disa vatra të reja dhe autoritetet përkatëse po luftojnë me kohën për të parandaluar përhapjen e tyre përpara se dielli të perëndoj.
Situata mbetet e kritike në dy qytete në Varybobi dhe Adama ku banorët janë larguar nga zona pasi zjarri mbërriti në qytete. Zjarri ka marrë përmasa të mëdha dhe ka shpërthyer në zona ku është e pamundur të futen zjarrfikëset. Ndërsa Rruga Kombëtare atje hapet dhe mbyllet vazhdimisht për arsye parandaluese në të dyja rrjedhat. Nga na tjetër policia ka filluar të evakuoj fabrikat industriale në zonë. Më parë është dhënë një urdhër evakuimi për banorët e qytetit Adames, i cili konsiderohet po ashtu si front kryesor zjarri.
Sipas ELAS, autostrada Athinë-Lamia u rihap, e cila ishte mbyllur më herët në daljen Agios Stefanos për në Athinë. Gjithashtu është bërë me dije se kampi i fëmijëve “Fshati i lumtur” u evakuua. Rreth 80 fëmijë u transportuan me autobus në stacionin elektrik Irini dhe u morën nga prindërit e tyre, ndërsa kuajt transportohen me automjete speciale nga klubet e kuajve të vendosura në zonë.
Për shkak të zjarrit që sa vjen edhe bëhet më kërcënues është ndaluar qarkullimi i automjeteve në këto zona. Qarku i tensionit të lartë (400 kilovolt) të Acharnon-Agios Stefanos u vu jashtë funksionimit në mesditë për shkak të zjarrit që shpërtheu në Varybobi. Në fakt, sipas SKAI, ka dëshmi se dy shpërthime shumë të fuqishme janë dëgjuar nga një nënstacion.
