Prej disa ditësh ekspertët bëjnë me dije se viktimat nga Coronavirusi janë duke rënë, mirëpo shifrat tregojnë të kundërtën.
Ne mediat italiane filloi të përhapej me shpejtësi lajmi se në vendin fqinj janë regjistruar 6 të infektuar, pasi kishin patur kontakt me një 38-vjeçar, banor i Codogno, Lombardi, i cili kishte vizituar së fundmi Azinë.
Ai u shtrua në spital të mërkurën në mbrëmje pasi rezultoi pozitiv në testin e Coronavirusit, ndërsa të infektuar janë gjithashtu edhe gruaja e tij shtatzënë në muajin e tetë , një mik i çiftit, si dhe 3 persona të tjerë.
Po ashtu, në Lombardi 250 persona janë vendosur në izolim pasi kanë patur kontakt me 38-vjeçarin dhe do t’i nënshtrohen testeve.
Mësohet se tashmë ka shkuar në 14 numri i të prekurve me coronavirus: 5 prej të cilëve janë staf në spital dhe 3 të tjerë janë pacientë.
Për të kufizuar përhapjen e virusit kinez në Lombardi, Ministria e Shëndetësisë ka urdhëruar pezullimin e të gjitha veprimtarive publike, teksa ka paralajmëruar hapjen e një karantinë ku do të shtrohen të gjithë njerëzit që vijnë nga zonat e prekura nga epidemia, me një kapacitet për 180 njerëz.
Coronavirsui deri më tani ka vrarë mbi 2200 persona dhe ka prekur mbi 76 mijë të tjerë.
Fatmirësisht, vendi ynë po vazhdon t’i rezistojë virusit vdekjeprurës, megjithatë, autoritetet shëndetësore shqiptare prej javësh kanë bërë me dije se janë marrë masat e nevojshme parandaluese dhe se janë duke diskutuar për vendet e mundshme ku mund të ngrihet karantinë, në rast se coronavirusi godet vendin tonë.(Lexo këtu)
