Këtë të shtunë është regjistruar një rekord infektimesh me Covid-19 në Itali në 24 orët e fundit.
Shifrat kanë pësuar një rritje të ndjeshme e cila e ka rritur numrin e infektimeve në krahasim me ditët e tjera.
Edhe pse masat e reja kufizuese janë shtuar dita ditës në çdo shtet përsëri nuk kanë arritur të japin rezutatin e duhur, por përsëri ka pasur një rritje në numrin e personave të infektuar.
7,470 raste të reja me koronavirus janë regjistruar në 24 orët e fundit në Itali. Mësohet se shkalla e pozitivitetit është 2.9%, nga 3.3% të premten.
Po ashtu raportohet për 45 vdekje, ndërsa 5,462 persona janë shëruar.
Mediat italiane bëjnë të ditur se 11 pacientë u shtruan në terapi intensive, ndërkohë 41 pacientë të tjerë u shtruan në spitalet Covid ditën e premte.
Bilanci i frikshëm i shifrave të regjistruara mendohet se do të dërgojë në shtimin e masave kufizuese të reja në shtetin Italian. Kujtojmë se Italia ka qenë një ndër vendet të cilat gjatë pandemisë ka arritur në shifra record infektimesh dhe hubje jete krahasur me vendet e tjera në botë.
Përpos kësaj variant i ri i coronavirusit ‘Delta’ është përhapur me ritme të shpejta dhe pasojat janë më të rënda në krahasim me efektet e variantit të parë.
