Një numër tjetër rekord infektimesh nga Covid-19, është shënuar në Evropë.
Mësohet se në Francë, janë regjistruar mbi 50 mijë raste të reja brenda 24-orësh nga koronavirusi.
Autoritetet shëndetësore raportuan saktësisht numrin e 52 010 raste pozitive. Kjo është hera e parë që numri i rasteve me Covid-19 në Europë kalon mbi 50 mijë brenda ditës.
Asambleja kombëtare franceze ka votuar për zgjatjen e gjendjes së jashtëzakonshme deri më 16 shkurt. Ndërkohë projektligji për zgjatjen e gjendjes së jashtëzakonshme, u miratua me 71 vota pro dhe 35 kundër dhe pritet që javën tjetër të kalojë në senat.
Opozita ngriti zërin në Kuvend duke u shprehur se po cenohen liritë individuale nga zgjatja kaq shumë e gjendjes së jashtëzakonshme. Në Francë aktualisht nuk lejohet lëvizja nga ora 21:00 e mbrëmjes deri në 06:00 të mëngjesit./GazetaReforma.com/
