Britaniku i parë që u prek nga koronavirusi në Wuhan të Kinës, pretendon se e mposhti sëmundjen vdekjeprurëse vetëm me ‘Whisky’ të ngrohtë dhe mjaltë, pasi refuzoi antibiotikët.
Connor Reed, një mësues 25-vjeçar nga Uellsi, u godit nga virusi rreth dy muaj më parë. Ai shkoi menjëherë në spital pasi kishte probleme me frymëmarrjen dhe një kollë të fortë.
Reed u shpreh se kishte përdorur aparat që e ndihmonte të merrte frymë dhe se kishte pirë ‘Whisky’ të nxehtë me mjaltë, derisa u përmirësua.
Ai tha për ‘The Sun’ se “kjo është një kurë e dalë mode, por që funksionoi. Refuzova të marr antibiotikët që më dha doktori pasi nuk më pëlqejnë ilaçet”.
25-vjeçari Reed kishte tre vjet që jetonte në Kinë dhe gjashtë muajt e fundit jetonte në Wuhan, shkruan Daily mail.
