Kryeministri Edi Rama ka paralajmëruar një konferencë për mediat në oborrin e Kryeministrisë. Në orën 13:00, Rama do të dalë para qytetarëve për të bërë publik qëndrimin e Partisë Socialiste për mbylljen e procesit të Reformës Zgjedhore brenda këtij sesioni parlamentar.
Tashmë presioni i ndërkombëtarëve është mbi mazhorancën ku po i kërkohet miratimi i Reformës Zgjedhore, sipas paktit të arritur më 5 qershor. Brenda opozitës parlamentare kanë dalë mbi 6 deputetë që kanë shprehur dakordësinë për të miratuar draftin e Reformës Zgjedhore sipas paktit të arritur në Këshillin Politik, të 5 qershorit. Partia Demokratike nga ana e saj ka kërkuar miratimin e menjëhershëm të paktit të 5 qershorit.
Ende nuk dihet se cili është mesazhi që do të përcjellë kryesocialisti Rama, i cili më parë është shprehur i hapur për të diskutuar hapjen e listave, e cila është një prej kërkesave të opozitës së re.
